慈母中秋哭喚「暴」兒：孩子，回家吧！

【9·13香港連線】大公報記者方學明報道：中秋節本應人月兩團圓，然而，三個月來持續不斷的暴亂，令不少家庭撕裂。有單親家庭孩子疑被「洗腦」，沉迷上街衝擊，與單親母親關係變得疏離，聚少離多，母親慨嘆家不成家，今日中秋佳節，只希望兒子「回家吧！」亦有家長擔心香港局勢，「急急腳」送稚子出國讀書，以免學壞。

八十後的mini，今年38歲，是一名單親媽媽，與今年讀中四、15歲的獨子阿偉相依為命，家住葵涌區私人屋苑。mini經營美容院生意，因工作繁忙，每天早出晚歸，阿偉平日的起居生活，全交託外傭照料。即使如此，在mini眼中，阿偉是一名生性、乖巧兒子，多年來母子甚少「拗撬」。

「我寡母婆養仔，嗰種辛苦，唔係筆墨可以形容，但好彩佢（阿偉）生性，知我辛苦，乜事都順我意」。

在亂港分子操弄下，不少年輕人在這三個月由乖仔乖女變成暴徒（大公文匯全媒體記者攝）

然而，自六月開始社會出現騷亂，一切都變了。「初時，佢（阿偉）都會問我，同同學出去遊行得唔得？我見係和平進行，都冇乜所謂，咪畀佢出去，但原來呢個係痛苦的開始。」

「又掟磚又放火，做阿媽點會唔驚？」

阿偉去了第一次後，以後每次上街都參與，而且變得「老馮」，再沒有先詢問母親是否批准。mini說，從電視直播中，看到搞事者與警察暴力衝擊不斷升級，陣陣寒意湧上心頭。

「又掟磚、又放火、又用丫叉，我做阿媽點會唔驚？」阿偉曾告訴媽媽，不會走到最前，但mini皺眉說，仍然十分擔心，「我喺佢背囊見到頭盔、豬嘴、保鮮紙，每見一樣，擔心一樣。」

由6月至今的連場暴力示威活動中，年齡最小的被捕人士只有12歲（網絡圖片）

為了兒子而擔驚受怕，mini最痛心的是母子關係在這三個月間變差， 「我曾經叫佢唔好出去，但換來竟是被佢鬧係藍粉，之後佢冇再睬我。」

mini說，最近一個月甚少見到阿偉，即使回家也是三更半夜，周五至周日的暴亂「熱門日子」，阿偉更是「唔見人」。

今日中秋節，mini希望人月兩圓，兒子回家團聚（大公報）

「佢避我都冇計，但作為媽媽，無論佢點，我都咁愛佢。我可以做嘅係每日將零用錢放枱面，畀佢攞。」今日中秋節，mini哭說：「仔，返屋企啦！同我食餐飯，我就滿足！」

談到家庭撕裂的始作佣者，mini說只覺兒子被「洗腦」，像「撞邪」般，變得十分偏激，不講道理。

「留港實學壞」 

急送13歲囝囝出國

「原本冇諗過咁早送佢（兒子）去外國，但見啲亂港份子蠻不講理、歪理連篇，留港實學壞，我冇得選擇。最可笑係，佢哋呢班搞事嘅後生仔竟然話係香港未來棟樑喎，有冇搞錯！」

今年40多歲的汪先生經營製作公司，與妻子育有一名13歲兒子。兒子讀中二，上月離港遠赴英國升學。

汪先生說，要兒子這麼小便到海外升學，十分不捨， 「原本想等阿仔讀完中六、考埋DSE先送佢去外國」，但眼見香港今時今日的動盪與混亂，為了兒子好，他不得不作出這個艱難的決定。

「送阿仔去英國讀書，一年計埋雜費，最少60萬，真係好貴，難負擔，但冇計。」暴亂持續三個月，香港經濟大受影響，汪先生經營的公司也不能幸免，生意額大跌最少三成。收入今非昔比，仍堅持要提早送兒子離港，目的只有一個，就是不想兒子成為上街衝擊的年輕人的一分子。

9月8日金鐘地鐵站，有少年帶頭破壞站內閘機（大公文匯全媒體記者攝）

「出嚟勇武嗰班年輕人，真係好恐怖！一唔啱聽，唔同意見，就搵人圍你打你，又掟磚頭、又放火、又破壞公物，又歪理當真理，明明打人先，就話係人哋挑釁、唔一早攞記者證。我想問，係咪咁就可以隨便打人？如果係，我唔知乜嘢叫道理！香港已經唔係以前嘅香港！」

大公報記者昨日到尖沙咀海外升學公司林立的星光行觀察，據海外升學中心的職員稱，最近替子女查詢海外升學的家長人數確實踴躍，增幅約三成，反映在社會不穩下，不少家長傾向提早送子女到海外升學。

今天是中秋佳節，原本「齊齊整整」的一家三口，有可能只餘夫妻兩人，汪先生不滿地說：「一切拜一班勇武蠻不講理嘅暴徒所賜。」

香港大公文匯傳媒集團

大公報記者方學明報道

相關閱讀

今日相關報道